Жабдықтардың жүктемесі 30%-дан аспайтын, жалақы төлеуде кідірістер орын алып, өндірістік қауіпсіздік мәселелері туындаған кезең артта қалды. Жаңа инвестордың келуі кәсіпорынды кешенді жаңғыртуға жол ашты: өндірістік процестер жетілдіріліп, кәсіпорын беделі қалпына келтірілуде және жаңа өндірістік мәдениет қалыптасуда.
Нәтижелер нақты көрсеткіштермен расталады. Биылғы жылы жаңғырту жұмыстарына 11 миллиард теңгеден астам қаржы бағытталды. Алғашқы бес айда 116,7 мың тонна болат өндіріліп, бұл өткен жылдың сәйкес кезеңімен салыстырғанда айтарлықтай жоғары көрсеткіш болды.
KSP Steel Орталық Азиядағы тұтас өндірістік цикл бойынша жіксіз болат құбырлар шығаратын бірегей кәсіпорын мәртебесін сақтап отыр. Зауыт өнімдері ішкі нарықпен қатар АҚШ, Канада және Колумбияға экспортталады.
Бүгінде кәсіпорында 3 100-ден астам маман еңбек етеді. Басқарудың жүйелі тәсілі, қаржылық тұрақтылықтың нығаюы және өндірістік қауіпсіздік стандарттарының кезең-кезеңімен артуы KSP Steel компаниясына Павлодар облысының өнеркәсіптік көшбасшысы мәртебесін қайтаруда.
Оң динамика таңдалған даму бағытының тиімділігін және қолға алынған өзгерістердің тұрақты әрі ұзақмерзімді екенін дәлелдейді.
